အပတ်စဉ် ပဋိပက္ခ အစီရင်ခံစာ — ဇန်နဝါရီလ ၁၅–၂၁၊ ၂၀၂၆

Key Events

• ဇန်နဝါရီလ ၁၄ ရက်နေ့တွင် ကချင်ပြည်နယ်၊ ဗန်းမော်မြို့နယ်ရှိ စစ်ကောင်စီ၏ ထပရ ၉၃၃ တပ်ရင်းခြေကုပ်စခန်းတစ်ခုကို KIA/PDF ပူးပေါင်းတပ်များ သိမ်းပိုက်နိုင်ခဲ့ပြီး စစ်ကောင်စီတပ်သား ၂၀ ဦး လက်နက်ချခဲ့သည်။
• စစ်ကိုင်းတိုင်း၊ ဗန်းမောက်မြို့ကို စစ်ကောင်စီနှင့် SNA ပူးပေါင်းတပ်များက ဇန်နဝါရီလ ၁၅ ရက်မှစ၍ ပြင်းထန်စွာ ထိုးစစ်ဆင်ခဲ့ပြီး မြို့ပေါ်ရပ်ကွက်အချို့ကို ပြန်လည်ထိန်းချုပ်ခဲ့သည်။
• ဇန်နဝါရီလ ၂၀ ရက်နေ့တွင် စစ်ကိုင်းတိုင်း၊ ကောလင်းမြို့နယ်၊ ပဒုမ္မာရွာအနီးရှိ ပကဖ စခန်းတစ်ခုကို စစ်ကောင်စီက လေကြောင်းနှင့် အသေခံဒရုန်းများဖြင့် တိုက်ခိုက်ခဲ့သဖြင့် အရပ်သားနှင့် တပ်ဖွဲ့ဝင် ၉ ဦး သေဆုံးခဲ့သည်။
• တီမောနိုင်ငံသမ္မတနှင့် ချင်းလူ့အခွင့်အရေးအဖွဲ့တို့ တွေ့ဆုံမှုကို စစ်ကောင်စီက ပြင်းထန်စွာ ကန့်ကွက်ခဲ့ပြီး တီမောသံရုံး ယာယီတာဝန်ခံကို ဆင့်ခေါ် သတိပေးခဲ့သည်။
• စစ်ကောင်စီ၏ ရွေးကောက်ပွဲကော်မရှင်က ရွေးကောက်ပွဲအပိုင်း ၂ အတွက် USDP ပါတီမှ ကိုယ်စားလှယ် အများအပြား အနိုင်ရကြောင်း ထုတ်ပြန်ခဲ့သော်လည်း မလေးရှားနိုင်ငံခြားရေးဝန်ကြီးက အဆိုပါရွေးကောက်ပွဲကို အာဆီယံက အသိအမှတ်မပြုကြောင်း ထပ်မံပြောဆိုခဲ့သည်။