အပတ်စဉ် ပဋိပက္ခ အစီရင်ခံစာ — ဒီဇင်ဘာလ ၈–၁၄၊ ၂၀၂၄

Key Events

• ဒီဇင်ဘာ ၇ ရက်တွင် ကရင်ပြည်နယ်၊ ဖာပွန်မြို့နယ်ရှိ စစ်ကောင်စီ၏ တောင်သုံးလုံးနှင့် ဆင်စွယ်စခန်း ၂ ခုကို KNLA ပူးပေါင်းတပ်ဖွဲ့က တိုက်ခိုက်သိမ်းပိုက်နိုင်ခဲ့ပြီး စစ်ကောင်စီတပ်သား ၁၆ ဦး သေဆုံးခဲ့သည်။
• ဒီဇင်ဘာလ ဒုတိယပတ်အတွင်း မန္တလေးတိုင်း၌ အရပ်သား ၂၀၆ ဦးအထိ အများဆုံး ဖမ်းဆီးခံခဲ့ရပြီး နေအိမ် ၃၀၀ မီးလောင်ပျက်စီးခဲ့သည်။
• ရွေးကောက်ပွဲကော်မရှင် ဥက္ကဋ္ဌက နိုင်ငံတစ်ဝန်းရှိ မြို့နယ် ၃၃၀ အနက် လုံခြုံရေးစိတ်ချရသော ၁၆၁ မြို့နယ်တွင်သာ ရွေးကောက်ပွဲ ကျင်းပနိုင်မည်ဟု ဒီဇင်ဘာ ၇ ရက်တွင် ပြောကြားခဲ့သည်။
• တရုတ်အစိုးရ၏ ဖိတ်ကြားချက်အရ ကချင်လွတ်လပ်ရေးအဖွဲ့ (KIO) ဥက္ကဋ္ဌ ဗိုလ်ချုပ်ကြီး အင်ဘန်လ ဦးဆောင်သောအဖွဲ့သည် ဒီဇင်ဘာ ၈ ရက်တွင် တရုတ်နိုင်ငံသို့ သွားရောက်ခဲ့သည်။
• အမေရိကန် စီးပွားကူးသန်းဝန်ကြီးဌာနက မြန်မာစစ်တပ်ထံ စစ်ဘက်ဆိုင်ရာ အသုံးအဆောင်ပစ္စည်းများ ရောင်းချသည့် တရုတ်နှင့် မြန်မာအခြေစိုက် ကုမ္ပဏီ ၄ ခုကို ဒီဇင်ဘာ ၁၀ ရက်တွင် ပိတ်ဆို့အရေးယူခဲ့သည်။