အပတ်စဉ် ပဋိပက္ခ အစီရင်ခံစာ — ဇွန် ၁၅–၂၁၊ ၂၀၂၄

Key Events

• တနင်္သာရီတိုင်း၊ တနင်္သာရီမြို့နယ်ရှိ နှစ်ပေါင်း ၃၀ နီးပါး အခြေစိုက်ခဲ့သော အောင်သာဝရ စစ်ကောင်စီတပ်စခန်းကို KNLA ပူးပေါင်းတပ်များက တိုက်ခိုက်သိမ်းပိုက်ခဲ့သည်။
• ချင်းပြည်နယ်၊ မတူပီမြို့ရှိ စစ်ကောင်စီ၏ ခမရ ၃၀၄ တပ်ရင်းကို ချင်းညီနောင်အဖွဲ့က သိမ်းပိုက်နိုင်ခဲ့သော်လည်း တီးတိန်မြို့နယ်ရှိ PDF Zoland ထိန်းချုပ်ထားသော ကနေဒီတောင်စခန်းကို စစ်ကောင်စီက ပြန်လည်သိမ်းပိုက်ခဲ့သည်။
• ကရင်ပြည်နယ်၊ မြဝတီမြို့တောင်ဘက်ရှိ စုကလိစစ်ကောင်စီတပ်စခန်းကို KNLA တပ်မဟာ (၆) ဦးဆောင်သော ပူးပေါင်းတပ်များက အပြီးပိုင် တိုက်ခိုက်သိမ်းပိုက်နိုင်ခဲ့သည်။
• ဒေါ်အောင်ဆန်းစုကြည်၏ ၇၉ နှစ်မြောက်မွေးနေ့တွင် ပန်းပန်၍ ဆုတောင်းသူ ၁၁ ဦးနှင့် ဖုန်းအတွင်း VPN အသုံးပြုမှု တွေ့ရှိသူ ၁၇ ဦးတို့ကို စစ်ကောင်စီက ဖမ်းဆီးခဲ့သည်။