အပတ်စဉ် ပဋိပက္ခ အစီရင်ခံစာ — အောက်တိုဘာ ၈–၁၄၊ ၂၀၂၄

Key Events

• အောက်တိုဘာလ ၁၃ ရက်နေ့တွင် ရှမ်းပြည်နယ်မြောက်ပိုင်း၊ သီပေါမြို့ရှိ စစ်ကောင်စီ၏ နောက်ဆုံးလက်ကျန်တပ်စခန်းဖြစ်သော ခလရ ၂၃ တပ်ရင်းဌာနချုပ်ကို TNLA နှင့် ပူးပေါင်းတပ်များက အပြီးသတ်တိုက်ခိုက်သိမ်းပိုက်ခဲ့သည်။
• အောက်တိုဘာလ ၈ ရက်နေ့တွင် စစ်ကိုင်းတိုင်း၊ ပင်လည်ဘူးမြို့ကို တော်လှန်ရေးပူးပေါင်းတပ်များက သိမ်းပိုက်နိုင်ခဲ့ပြီး စစ်ကောင်စီတပ်သား ၁၅၀ ဦးကို ဖမ်းဆီး/လက်နက်ချ ရရှိခဲ့သည်။
• ရခိုင်ပြည်နယ်တွင် စစ်ကောင်စီ၏ လေကြောင်းနှင့် လက်နက်ကြီးပစ်ခတ်မှုများကြောင့် အရပ်သားပြည်သူ ၂၈ ဦး သေဆုံးခဲ့ပြီး ယင်းမှာ တစ်ပတ်အတွင်း ဒေသအလိုက် သေဆုံးမှုအများဆုံးဖြစ်သည်။
• အာဆီယံ ၄၄ ကြိမ်မြောက် ထိပ်သီးဆွေးနွေးပွဲသို့ စစ်ကောင်စီမှ နိုင်ငံခြားရေးဝန်ကြီးဌာန အမြဲတမ်းအတွင်းဝန်ကို ၄ နှစ်နီးပါးအတွင်း ပထမဆုံးအကြိမ် စေလွှတ်တက်ရောက်စေခဲ့သည်။
• PNLO/PNLA အဖွဲ့မှ နာယက ဗိုလ်မှူးကြီး ခွန်ဥက္ကာ အပါအဝင် ထိပ်ပိုင်းခေါင်းဆောင် ၃ ဦးကို အောက်တိုဘာလ ၁၃ ရက်နေ့တွင် အဖွဲ့ဝင်အဖြစ်မှ ထုတ်ပယ်ကြောင်း ကြေညာခဲ့သည်။