အပတ်စဉ် ပဋိပက္ခ အစီရင်ခံစာ — ဩဂုတ် ၂၂–၃၁၊ ၂၀၂၄

Key Events

• ဩဂုတ် ၂၅ ရက်တွင် မန္တလေးတိုင်း၊ သပိတ်ကျင်းမြို့ကို တော်လှန်ရေးပူးပေါင်းတပ်ဖွဲ့များက သိမ်းပိုက်နိုင်ခဲ့ပြီး စစ်ကောင်စီဘက်မှ ဒုဗိုလ်မှူးကြီးတစ်ဦးကို အရှင်ဖမ်းဆီးကာ လက်နက် ၆၈ လက် သိမ်းဆည်းရမိခဲ့သည်။
• ရှမ်းပြည်နယ်မြောက်ပိုင်း၊ နောင်ချိုမြို့နယ် တောင်းခမ်းကျေးရွာရှိ စစ်ကောင်စီ၏ အမြောက်တပ်ရင်းသုံးရင်း (မစခ-၉၀၂၊ အမတ-၂၀၆ နှင့် အမတ-၄၀၆) ကို TNLA ပူးပေါင်းတပ်များက ဩဂုတ် ၂၈ ရက်တွင် သိမ်းပိုက်ခဲ့သည်။
• ပဲခူးတိုင်း၊ လက်ပံတန်းမြို့နယ်တွင် ဩဂုတ် ၂၇ ရက်က စစ်ကောင်စီတပ်သားများက အမျိုးသားတစ်ဦးကို ဖမ်းဆီးပြီး ၎င်း၏ဇနီးဖြစ်သူကို မုဒိမ်းကျင့်ခဲ့သည့် ဖြစ်စဉ်ဖြစ်ပွားခဲ့သည်။
• တရုတ်နိုင်ငံ၊ ရွှေလီမြို့ လုံခြုံရေးကော်မတီမှ TNLA အဖွဲ့သို့ တိုက်ပွဲများ ချက်ချင်းရပ်တန့်ရန်နှင့် မလိုက်နာပါက အကျိုးဆက်များကို တာဝန်ယူရမည်ဟု ဩဂုတ် ၂၉ ရက်တွင် သတိပေးစာ ပေးပို့ခဲ့သည်။
• စစ်ကောင်စီက လာမည့် စက်တင်ဘာ ၁ ရက်မှစတင်၍ တစ်နိုင်ငံလုံးအတိုင်းအတာဖြင့် လျှပ်စစ်ဓာတ်အားခများကို နှစ်ဆကျော် တိုးမြှင့်ကောက်ခံမည်ဟု ဩဂုတ် ၃၀ ရက်တွင် ကြေညာခဲ့သည်။